ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Մեր համալսարանը ջերմությամբ և հատուկ ուշադրությամբ է յուրաքանչյուր նոր ուսումնական տարի դիմավորում նորեկներին: Այս տարի նույնպես՝ Ուսանողական խորհուրդը կազմակերպել էր առաջին կուրսեցիների իրազեկման միջոցառում։

Ուսանողական խորհրդի ղեկավարությունը՝ ի դեմս փոխնախագահ Արմեն Հարությունյանի, համալսարանի բակում ողջունեց և շնորհավորեց առաջին կուրսի ուսանողներին՝ Գիտելիքի օրվա կապակցությամբ՝ մաղթելով նրանց կանաչ ճանապարհ և ձեռքբերոմներով լի ուսումնական տարի:  

Այնուհետև Ուսանողական խորհրդի ներկայացուցիչներն առաջին կուրսի ուսանողների հետ շրջայց կատարեցին համալսարանում, ծանոթացան համալսարանի կառուցվածքին, ուսումնական գործընթացի կազմակերպմանը, ինչպես նաև ուսանողներին ծանոթացրեցին իրենց իրավունքներին և պարտականություններին։