(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
Ճարտարապետության և շինարարության Հայաստանի ազգային համալսարանի և Իտալիայի Ուդինեի համալսարանի միջև կնքված փոխըմռնման հուշագրի շրջանակում՝ արդեն ավանդույթ է դարձել ուսանողների փոխանակումը:
Այս տարի՝ սեպտեմբերի 8-ից նոյեմբերի 23-ը, մեր համալսարանի Շինարարության ֆակուլտետի Շինարարական կոնստրուկցիաների ամբիոնում է ուսումնառում Ուդինեի համալսարանի ուսանող, մագիստրանտ Ալիս Միշելինը՝ ամբիոնի վարիչ, տ.գ.դ. պրոֆեսոր Տիգրան Դադայանի ղեկավարությամբ:
Երեկ Ալիս Միշելինը ներկայացրեց «ՀՀ-ում տարածված շենքերի սեյսմիկ մոդելավորում և վերլուծություն» թեմայով ավարտական աշխատանքը: Իտալիայից ժամանած ուսանողը թեմայի մեխն էր դարձրել Սպիտակում բնակելի բարձրահարկ շենքի կառուցումը՝ հաշվի առնելով Հայաստանի՝ սեյսմիկ գոտում գտնվելու հանգամանքը:
Ալիս Միշելինը նախագիծն ամբողջական տեսքի կբերի արդեն Ուդինեի համալսարանում՝ հավելյալ հետազոտություններից հետո:
