Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

Շրջանավարտները հրաժեշտ տվեցին դպրոցին

Այսօր հանրապետության բոլոր ավագ դպրոցներում հնչեց Վերջին զանգը` ազդարարելով նոր ու կարևոր սկզբի մեկնարկը: Տոնական և հուզաշատ էր օրը նաև Ճարտարապետության և շինարարության Հայաստանի ազգային համալսարանի Մ. Աբեղյանի անվան ավագ դպրոցում: 220 շրջանավարտ բեմում էին` երախտիքի և հրաժեշտի խոսքեր ասելու իրենց ուսուցիչներին:

Վերջին զանգի արարողությանը ներկա էին ՃՇՀԱՀ ռեկտոր Գագիկ Գալստյանը, Ուսանողական խորհրդի նախագահ Հովսեփ Հովեյանը, դպրոցի տնօրեն Աննա Մարուխյանը, ուսուցիչներ և աշակերտներ: Ողջույնի խոսքերից և բուն միջոցառումից առաջ ներկաները մեկ րոպե լռությամբ հարգեցին ապրիլյան պատերազմում զոհված հերոսների հիշատակը, որից հետո ռեկտոր Գալստյանը շնորհավորեց շրջանավարտներին՝ մաղթելով կանաչ, անվրդով ու բեղմնավոր ճանապարհ: Նա նորավարտ աշակերտներին հորդորեց անկախ ընտրած մասնագիտությունից՝ նախևառաջ լինել ազնիվ մարդ, պիտանի քաղաքացի և մեծ հայրենասեր: Որպես հավելում՝ դպրոցի տնօրեն Աննա Մարուխյանը նկատեց, որ ապրիլի սկիզբը կարող էր վճռորոշ լինել՝ այսօրվա գալստյան և վերջինզանգյան միջոցառման իրականացման համար: «Սակայն այսօր մենք այստեղ ենք՝ շնորհիվ մեր քաջ հերոս զինվորների, ովքեր իրենց կյանքն էլ չխնայեցին մեր խաղաղությունն ու Հայրենիքը աներեր պահելու համար»,- նշեց Ա. Մարուխյանը:

Երգ ու պարով, թատերական բեմադրություններով համեմված միջոցառմանը շրջանավարտները նույնպես չշրջանցեցին ապրիլյան ցավալի դեպքերը: Իրենց հուզառատ ու հայրենասիրական երգերով նրանք բոլորին ցույց տվեցին, որ արժանի կրողն են թե հաղթանակի, թե կորստի ու պատրաստ՝ ցանկացած պահի լինել սահմանին:

27.05.16

14  Ընդամենը Դիտված, 2 Դիտվել է այսօր