Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

Մեր եվ Չեստոհովայի համալսարանների միջև կնքվեց նոր պայմանագիր

Ապրիլի 27-ից մայիսի 2-ն աշխատանքային այցով Լեհաստանում էին գտնվում Ճարտարապետության և շինարարության Հայաստանի ազգային համալսարանի ռեկտոր Գագիկ Գալստյանը և Քաղաքաշինության ամբիոնի վարիչ Զառա Մամյանը: Այցի նպատակը՝ Լեհաստանի Չեստոհովա քաղաքի Տեխնոլոգիական համալսարանի հետ հետագա համագործակցության հարցերը քննարկելն ու զեկույցներով հանդես գալն էր:

Մեր և Չեստոհովայի համալսարանների համագործակցությունը սկսվել է դեռևս 2012թ-ին, իրականացվել են բազմաթիվ համատեղ նախագծեր, ուսանողների և դասախոսների փորձի փոխանակման ծրագրեր:

Այս անգամ այցը նույնպես կառուցողական էր: Մեր համալսարանի պատվիրակությունը շրջեց Չեստոհովայի համալսարանում, ծանոթացավ գործող լաբորատորիաներին և ներկայացրեց պատրաստած զեկույցները: Ռեկտոր Գալստյանը հանդես եկավ «Հայաստան. Շինարարական գործունեություն՝ երեկ, այսօր, վաղը», իսկ Զառա Մամյանը՝ «Հայաստան. Քաղաքաշինական գործունեություն՝ երեկ, այսօր, վաղը» թեմայով զեկույցներով:

Աշխատանքային այցն ամփոփվեց Ճարտարապետության և շինարարության Հայաստանի ազգային համալսարանի և Չեստոհովայի Տեխնոլոգիական համալսարանի միջև կնքված հետագա համագործակցության պայմանագրով:

04.05.17

85  Ընդամենը Դիտված, 4 Դիտվել է այսօր