Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

Լավ աշխատանք ունենալու գաղտնիքները բացահայտեց ռոստելեկոմի մասնագետը

Այսօր, «Ռոստելեկոմ Հայաստան» ընկերության հետ համագործակցության շրջանակներում, Ճարտարապետության և շինարարության Հայաստանի ազգային համալսարանում անցկացվեց դասընթաց՝ «Անձնակազմի համալրում» խորագրով:

Դասընթացը կազմակերպել էր ՃՇՀԱՀ-ի Կարիերայի կենտրոնը և Ուսանողական խորհուրդը:

Բարձրագույն ուսումնական հաստատությունն ավարտելուց հետո յուրաքանչյուր շրջանավարտ կանգնում է աշխատանք գտնելու պատասխանատու գործի առջև:

Ինչպե՞ս դիմել գործատուին, ինչպիսի՞ վարք դրսևորել հարցազրույցի ընթացքում և, ի վերջո, ինչպե՞ս համոզել գործատուին, որ ինքը կարող է լավագույն աշխատողը դառնալ: Այս և մի շարք այլ հարցերին էր նվիրված դասընթացը, որը մեր համալսարանի ուսանողների և շրջանավարտների համար վարում էր «Ռոստելեկոմ Հայաստան» ընկերության «Մարդկային ռեսուրսների կառավարման» դեպարտամենտի ղեկավար Անի Գրիգորյանը:

Ծանոթացնելով խնդրի մանրամասներին ու նրբություններին՝ Անի Գրիգորյանը լսեց ուսանողներին հուզող հարցերը, դիտարկումները, ինչի արդյունքում ծավալվեց առողջ ու ճանաչողական քննարկում: Դասընթացը կայացած էր և ուսանողները հյուրին հրաժեշտ տվեցին՝ հույսով, որ ստացած խորհուրդներն անպայման կնպաստեն արժանավայել աշխատանք գտնելուն:

Սերտ համագործակցության շրջանակներում՝ Ռոստելեկոմ-Հայաստան ընկերության և Կարիերայի կենտրոնի միջև ձեռքբերվեց պայմանավորվածություն հետագայում ուսանողների համար պրակտիկաների կազմակերպման, թափուր աշխատատեղերի համալրման, ինչպես նաև մրցույթների, գիտաժողովների անցկացման հարցում:

16.11.16

16  Ընդամենը Դիտված, 2 Դիտվել է այսօր