Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

ԻՍԿ ԴՈՒՔ ՃԱՆԱՉՈ՞ՒՄ ԵՔ ՄԵՐ ՀԱՄԱԼՍԱՐԱՆԻ ՏԻԿՆԻԿԱԳՈՐԾԻՆ

Մի պահ պատկերացրեք՝ Քաջ Նազարը, Դոն Կիխոտը և արքայադուստրը միասին: Չե՞ք հավատում: Ուրեմն՝ դեռ չեք տեսել մեր համալսարանի Որակի ապահովման կենտրոնի գլխավոր մասնագետ Իրինա Վանյանի պատրաստած տիկնիկները:

Իր նախասիրության մասին պատմել Իրինա Վանյանը չէր ուզում: Մի փոքր երկմտում էր՝ դասախոս է, արդյո՞ք անհարմար չէ: Բայց, կարճ զրույցից հետո, սիրելի թեման ամբողջությամբ կլանեց և տեղափոխեց իր ստեղծագործական աշխարհը՝ տիկնիկների մոլորակը:

Ձեռագործ տիկնիկների նկատմամբ սերը ձևավորվել է դեռ մանկուց: Հիշում է՝ «մայրիկիս զգեստն էի կտրում, որպեսզի ծեփոնե տիկնիկիս համար հագուստ կարեի»: Այդպես, տարիների ընթացքում, նախասիրությունը վերածվեց գործունեության:       Հետո, հեքիաթների՝ իրար հաջորդող կերպարներ, կողք-կողքի համերաշխ ապրող տարբեր ազգերի ներկայացուցիչներ, փոքրերին ուրախացնող փափլիկ կարմրաթուշիկներ, ցուցահանդեսներ:

Այս հեքիաթային եռուզեռի մեջ մի կարևոր սկզբունք կա, որն իմ տիկնիկագործ հերոսը երբեք չի խախտում: Ասում է՝ եթե ուզում ես տիկնիկը հաջողություն բերի, պետք է այն նվիրես: Նվիրում է բոլոր նրանց, ովքեր հիանում են, ովքեր հոգով դեռ փոքր են, ում համար ինտերիերային տիկնիկները արվեստի նմուշ են:

Տիկնիկները տարբեր թեմատիկայով են, ամենատարբեր ցուցահանդեսների համար՝ հին հայկականից միչև արծաթե դարաշրջանի նորաձևություն: Կենդանացրել է նաև Բոմարշեի «ֆիգարոյի ամուսնությունը» կատակերգության հերոսներին:

Իրինա Վանյանի ձեռքերում տիկնիկների է վերածվում ցանկացած նյութ, լինի դա կավ, կտոր, թել, թուղթ և, նույնիսկ թափոն:

Այս պահին իսպանական հերոսներին մարմնավորած տիկնիկները ճամփա են ընկել դեպի Վալնեսիա՝ հայ-իսպանական բարեկամության կենտրոնում իրենց «ցուցադրելու»:

Իսկ Երևան քաղաքի պատմության թանգարանում բոլոր տիկնիկասերները, մինչև մարտի 5-ը, կարող են հիանալ ամանորյա կախարդական գիշերվա հանդերձանքով  «Ձմեռային հեքիաթ» ցուցահանդեսի տիկնիկներով:

969  Ընդամենը Դիտված, 17 Դիտվել է այսօր

25.12.18

970  Ընդամենը Դիտված, 18 Դիտվել է այսօր