Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

ԲԱԼՏՐՈՒՇԱՅՏԻՍԻ ԱՆՎԱՆ ՄՐՑԱՆԱԿԸ ՀԱՆՁՆՎԵՑ ՇՈՂԵՐ ԽԱՉԱՏՐՅԱՆԻՆ

Հայտնի լիտվացի պատմաբան, արվեստաբան, հայանպաստ գործունեություն ծավալած  filetype_pdf Յուրգիս Բալտրուշայտիսի անվան մրցանակ շնորհելու միտքը ծագեց բարեկամական ու ջերմ հանդիպման արդյունքում, սակայն արագ ու վճռական քայլերով կյանքի կոչվեց: ՀՀ-ում Լիտվայի արտակարգ և լիազոր դեսպան պարոն Էրիկաս Պետրիկասի, Ճարտարապետության և շինարարության Հայաստանի ազգային համալսարանի և ՙՊետրոս Ալոյան՚-ի անվան հիմնադրամի համատեղ ջանքերով ու մեր համալսարանի Ճարտարապետության ֆակուլտետի մագիստրատուրայի ուսանողների նպատակասլացության և ակտիվության շնորհիվ՝ հանձնաժողովի դատին հանձնվեց 5 աշխատանք, իսկ օգոստոսի 28-ին արդեն հայտնի դարձավ հաղթող ուսանողի անունը:

Ազնիվ պայքարում՝ 1500 եվրոյին համարժեք դրամը Շողեր Խաչատրյանինն էր: Արդեն այսօր՝ բազմաթիվ հյուրերի ու պաշտոնատար անձանց ներկայությամբ, Շողերին հանձվեց իր վաստակած գումարի հավաստագիրը:

Մրցույթի ամփոփման ու մրցանակի հանձնման արարողությանը ներկա էին ՃՇՀԱՀ-ի ռեկտոր Գագիկ Գալստյանը, Հայաստանում Լիտվայի արտակարգ և լիազոր դեսպան Էրիկաս Պետրիկասը, Հայաստանում Ֆրանսիայի արտակարգ և լիազոր դեսպան Ջոնաթան Լաքոտը, Հայաստանում Ֆիանսիական համալսարանի ռեկտոր Ժան-Մարկ Լավեստը, մրցույթի գլխավոր հովանավոր ՙՊետրոս Ալոյան՚-ի անվան հիմնադրամի տնօրեն Հայկ Ալոյանը, Լիտվայի դեսպանատան աշխատակիցներ, դասախոսներ և ուսանողներ:

Ողջունելով ներկաներին՝ ռեկտոր Գալստյանը, նախ, շնորհավորեց նորանշանակ դեսպան Ջոնաթան Լաքոթին՝ մաղթելով նրան բեղմնավոր աշխատանք: Նկատելով հայ-ֆրանսիական դարավոր կապն ու մեր համալսարանի և ֆրանսիական ճարտարապետական դպրոցների հետ բազմամյա ակտիվ համագործակցությունը՝ ռեկտորը հույս հայտնեց, որ նորանշանակ դեսպանն իր մասնակցությունը կունենա այդ համագործակցությունների շարունակականության գործում: Ի պատասխան՝ դեսպան Լաքոթն իր գոհունակությունը հայտնեց ինչպես մեր երկրում, այնպես էլ մեր համալսարանի համար այս կարևոր միջոցառմանը ներկա գտնվելու համար: Դեսպանը նշեց, որ պաշտոնավարման 1 ամսվա ընթացքում արդեն հասցրել է նկատել, որ Հայաստանը ճարտարապետության և պատմամշակութային հարուստ ժառանգության երկիր է:

Փոխադարձ ողջույններից հետո՝ ռեկտոր Գալստյանը համառոտ ներկայացրեց Յուրգիս Բալտրուշայտիսի՝ հայերի ու Հայաստանի շուրջ ծավալած գործունեությունը, աշխատությունները, որից հետո խոսքը փոխանցեց դեսպան Էրիկաս Պետրիկասին: Դեսպանն, իր իսկ խոսքով, սեփական ջերմ հարկի տակ գտնվելու իրավունքով, շնորհավորեց մրցանակակրին՝ մաղթելով նրան մշտապես կրել Բալտրուշայտիսի արվեստասեր ու հայասեր ոգին:

Մրցանակը երկար սպասել չէր կարող: Ռեկտոր Գալստյանը, դեսպան Պետրիկասը և ՙՊետրոս Ալոյան՚-ի անվան հիմնադրամի տնօրեն Հայկ Ալոյանը ստորագրեցին հավաստագիրը և Շողեր Խաչատրյանին հանձնեցին մրցանակը: Ինչպես իր շնորհավորանքի խոսքում նշեց Հայկ Ալոյանը՝ ՙՊետրոս Ալոյան՚-ի անվան հիմնադրամն առաջիկա 5 տարիներին նույնպես կշարունակի հանդիսանալ մեր համալսարանում անցկացվող Յուրգիս Բալտրուշայտիսի անվան մրցույթի գլխավոր հովանավորը, իսկ որպես մրցանակ՝ կվճարի հաղթող ուսանողի մագիստրատուրայի վերջին կուրսի վարձավճարը:

 

31.10.17

1,194  Ընդամենը Դիտված, 25 Դիտվել է այսօր