Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան
Թատերական խմբակ

Հարգելի ուսանողներ.

 

Ճարտարապետության և շինարարության Հայաստանի ազգային համալսարանի Ուսանողական խորհրդում 2014թ-ին կազմավորված և մեծ քայլերով առաջ շարժվող թատերական խմբակը շարունակում է իր գործունեությունը` նոր մտահղացումերով և ներկայացումներով:  Խմբակում ներգրաված են այնպիսի ուսանողներ, որոնք ունեն բարձր մշակութային և ստեղծագործական ոգի:

 

Թատերական խմբակն առաջին անգամ հանդես է եկել «Ոտքի’, դատարանն է գալիս» բեմադրությամբ։ 2015 թ-ի մայիսի 8-ին տեղի ունեցավ ՃՇՀԱՀ թատերական խմբակի` դրամատուրգ Սամվել Խալաթյանի համանուն պիեսի հիման վրա և ՀՀ վաստակավոր արտիստ Ռազմիկ Խոսրոևի բեմադրությամբ «Հրադադար» ներկայացման պրեմիերան։ Խմբակի անդամներն ազատագրական ու հաղթական այդ պատերազմը կարողացան ներկայացնել հետաքրքիր և հաղթական, որի վառ ապացույցն էին հանդիսատեսի հոտնկայս ծափողջույնները:

 

Այս տարի Ուսանողական խորհրդի հետ միասին Արցախում էին Ճարտարապետ-շինարարների ուսանողական թատրոնի (ՃՇՈւԹ) անդամները, ովքեր հուլիսի 21-ին, Ստեփանակերտի զորամասերից մեկում, ներկայացրեցին «Հրադադարը»: Բեմադրությունը մեծ ոգևորություն առաջացրեց զինվորների մոտ` ևս մեկ անգամ ապացուցելով, որ հրադարը դեռ պատերազմի ավարտ չէ, այլ լրացուցիչ ժամանակ` զգոնությունն ու երկրին պաշտպան կանգնելու պատրաստակամությունը կոփելու համար:

 

Հպարտությամբ ենք նշում, որ խմբակին իր մեծ աջակցությունն է ցուցաբերում համալսարանի ռեկտոր Գագիկ Գալստյանը, ով մշտապես բարձր է գնահատում ուսանողների` մշակույթը սիրելու և զարգացնելու ոգին:

 

Սիրելի ուսանողներ.

 

Սիրով տեղեկացնում ենք, որ առաջիկայում խմբակը պատրաստվում է ներկայանալ նոր ներկայացումներով, որոնց իրականացման համար խմբակի դռները բաց են այն բոլոր տաղանդավոր ուսանողների առջև, ովքեր ունեն ստեղծագործ միտք և ցանկանում են ունենալ համալսարանական հագեցած առօրյա:

 

Հարգանքներով՝ Ճարտարապետ-շինարարների ուսանողական թատրոն:

 

04/27 2017 Ապրիլի 21-ին ՃՇՀԱՀ-ի ճարտարապետության և Քաղաքային տնտեսության և էկոլոգիայի ֆակուլտետների նախապատրաստական ...
04/25 2017 Մեր համալսարանի ուսանողները հերթական անգամ պարգևներով են վերադարձել միջազգային մրցույթից:
04/25 2017 Ճարտարապետական նախագծման և ճարտարապետական միջավայրի դիզայնի ամբիոնում ստեղծագործական եռուզեռ է:
04/26 2017 Հայտնում ենք Ձեզ, որ սույն թվականի ապրիլի 26-ից 28-ը «Երևան Էքսպո» ցուցահանդեսային համալիրում, Հայաստանի ...
04/19 2017 Արդեն ութերորդ տարին անընդմեջ, ձևավորված ավանդույթի համաձայն Ճարտարապետության և շինարարության Հայաստանի ...
04/18 2017 Սիրով տեղեկացնում ենք, որ ապրիլի 25-ին՝ ժամը 15:00-ին, Ճարտարապետության և շինարարության հայաստանի ազգային ...