Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան
  • hy
  • ru
  • en
  • fr
Միջոցառումներ

ՎԵՐԻՏԱՍ ՄՈՆԻԹՈՐԻՆԳ

 

2016 թվականի ապրիլի 18-ին ՏԵՄՊՈՒՍ ՎԵՐԻՏԱՍ ծրագրի մոնիթորինգի շրջանակներում Ճարտարապետության և շինարարության Հայաստանի ազգային համալսարան էին այցելել Հայաստանում «Էրազմուս +» ծրագրի ազգային գրասենյակի ներկայացուցիչները՝ ծրագրի համակարգող Լանա Կառլովան և ծրագրի պատասխանատու Էդիթ Սողոմոնյանը:

 

Հանդիպմանը ներկա էին ՏԵՄՊՈՒՍ ՎԵՐԻՏԱՍ ծրագրի անդամ համալսարանի ներկայացուցիչները:

 

Սեմինար-խորհրդակցություն

 

Ճարտարապետության և շինարարության Հայաստանի ազգային համալսարանում հոկտեմբերի 19-21-ը կանցկացվեն սեմինար-խորհրդակցություններ՝ ՙՆավահանգստի ծովային տարածաշրջանում բնապահպանական խնդիրների ափամերձ ինտեգրված մոնիթորինգ և դրանց լուծման ուղիները՚ ծրագրի շրջանակներում:

Խորհրդակցությունների ընթացքում կքննարկվեն իրականացված գործողությունների արդյունքները և ծրագրի մասնակից երկրների միջև համագործակցության հետագա քայլերը:

 

Գործուղում Սոչի 

 

2015թ. օգոստոսի 2-ից 15-ը Ռուսաստանի Դաշնության Տուափսե քաղաքում  Ռոստովի պետական շինարարական համալսարանի կողմից կազմակերպված «Կրասնոդարի շրջանի Սոչի քաղաքի սպորտա-ժամանցային օլիմպիական օբյեկտների  օրինակով շենքերի և կառույցների յուրահատկության ուսումնասիրություն» խորագրով միջազգային դպրոց-սեմինարին մասնակցում էր նաև Ճարտարապետության և շինարարության Հայաստանի ազգային համալսարանը:

Միջազգային դպրոց-սեմինարի հիմնական աշխատանքային օրերը ընթանում էին Տուափսե քաղաքում, սակայն, օբյեկտները տեղում ուսումնասիրելու նպատակով, ուղևորություն կազմակերպվեց դեպի Ադլեր` օլիմպիական ստադիոնները, Ռոզա-Խուտորում, Կրասնոյա Պոլյանայում և Օլիմպիական գյուղում կառուցված օբյեկտները տեղում ուսումնասիրելու համար: Այցերի ընթացքում հանդիպումներ կազմակերպվեցին շենքերի և կառույցների նախագծային և շինարարական աշխատանքներում անմիջական մասնակցություն ունեցած մասնագետների հետ:

Դպրոց-սեմինարի հիմնական նպատակն էր աջակցել պրոֆեսիոնալ միջավայրում գիտական հայացքների, մտքերի և կարծիքների փոխանակմանը: Բոլոր մասնակիցները նշում էին սեմինարի կարևորությունը և ցանկություն էին հայտնում ընդլայնել մասնակիցների շրջանակը և դարձնել այն շարունակական

Դպրոց-սեմինարի փակման արարողությունը տեղի ունեցավ օգոստոսի 13-ին:

 

 

 

2015 թվականի մայիսին, Ճարտարապետության և շինարարության Հայաստանի ազգային և Իտալիայի Ուդինե համալսարանների միջև կնքված փոխհամագործակցության պայմանագրի շրջանակներում, սեպտեմբերի 4-8-ն աշխատանքային այցով մեր համալսարան կայցելի իտալական պրոֆեսորադասախոսական կազմը: Պատվիրակության անդամների թվում են դոցենտ Աննա Ֆրանջիպանեն, հետազոտող Մարգարիտա Պաուլետտան, քանդակագործ Դանիել Թեմրեսյանը և ասիստենտ Մաթեո Նիկոլինին:

 

Համալսարան այցի շրջանակներում նախատեսվում է հանդիպում ՃՇՀԱՀ ռեկտոր Գագիկ Գալստյանի, ֆակուլտետների և ամբիոնների ներկայացուցիչների հետ, այցելություններ հայաստանյան պատմամշակութային վայրեր, շինհրապարակներ, ջրամբարներ ու ՀԷԿ-եր:

 

 Սեպտեմբերի 4-ին պրոֆեսոր Մարգարիտա Պաուլետտան կներկայացնի զեկույց` «Սեյսմակայուն շինությունների կառույցների նախագծում» թեմայով, ակադեմիկոս Է. Խաչիյանը` «Սեյսմակայուն շինարարության խնդիրները Հայաստանում» և Թ. Մարգարյանը` <Քարի օգտագործումը Հայաստանի շինարարության պատմության մեջ» թեմաներով:

 

Իսկ արդեն սեպտեմբերի 7-ին` ժամը 9:30-ին մինչև 14:00-ն իրենց զեկույցներով հանդես կգան պրոֆեսորներ Մաթեո Նիկոլինին և Աննա Ֆրանջիպանեն` «Ջրային կառավարում, արտահոսքի նվազեցում և ջրաբաշխիչ ցանցերի էներգախնայողություն» և «Քարի օգտագործումը շինարարության պատմության մեջ» թեմաներով:

 

Պատվիրակությունը Հայաստանից կմեկնի սեպտեմբերի 8-ին:

07/18 2017 Դեռևս ամիսներ առաջ Ճարտարապետության և շինարարության Հայաստանի ազգային համալսարան էր ժամանել իտալական ...
07/14 2017  2017թ. հունիսի 21-22-ին Ճարտարապետության և շինարարության Հայաստանի ազգային համալսարանի (ՃՇՀԱՀ) ...
07/12 2017 Արդեն երկրորդ տարին է, ինչ Ճարտարապետության և շինարարության Հայաստանի ազգային համալսարանի ուսանողները ...
07/17 2017 Apply for Human Resource Development Scholarship (a type of ODA Grants) for graduate study in Japan which ...
07/12 2017 Apply now for the Weiser Professional Development Fellowship and conduct research at the University of ...
07/06 2017 Հուլիսի 28-ից մեկնարկել է «Հայաստանի Հանրապետության կրթության և գիտության նախարարության և Ֆրանկոֆոնիայի ...